Transcription
1
Monsegneur, pour vitemant depecher le muletyer, jay esté
2
contrint dachepter la voenne à quatorze sous la benatée,
3
comme vous porra tesmognier ledict muletyer, par ce que
4il ny en avoyt comme poinct darriver. [barré : Vra ] Bien est
5
vray que la voenne est fort bonne, daultant quil
6luy a ung tiers dorge. [barré : Ja ] Je an ay chargé les deulx
7
mulles. Jay fait tout ce que jay peu pour
8recouvrer deulx [barré : perdrix ] perdraulx, mais je nan ay peu
9
trouver. La vieillye de la trezorerie a achepté ung
10
quartyer de veau et une portrine, qui me sanble estre fort
11bon, leque [barré : je p ] jay ballye audict muletyer. Et
12
daultant que je pance que monsieur de La Mothe vous
13
a peu advertyr de ce que est advenu ses jours passés
14
à monsieur de Rocoules, je ne fairay le presante plus
15
longue, sinon que lon ma dict ce matin que ledict
16sieur ce [barré : portost ] portest fort mal ; que sera
17
landroyt,
18
monsegneur, après vous avoier beyssé très humblemant
19
les mains, je prieray le Createur vous donner en
20
bonne santté longue et heureuze vie. De Grenoble,
21
ce 26 septembre 1571.
22
Vostre très humble et très obeyssant
23
serviteur
24
De chapponay